चितवन राष्ट्रिय निकुञ्जमा बाघ र गैंडा मृत फेला
चितवन राष्ट्रिय निकुञ्जमा आज बाघ र गैंडा मृत फेला परेका छन्।
निकुञ्जभित्र भीमपुर क्षेत्रमा बाघ तथा नवलपरासी (बर्दघाट–सुस्तापूर्व)मा गैंडा मृत अवस्थामा भेटिएको हो। निकुञ्जका सूचना अधिकारी गणेशप्रसाद तिवारीका अनुसार नेपाली सेनाको सुरक्षा पोस्ट अमृतेबाट खटिएको टोलीले मृत बाघ फेला पारेको हो।
अहिले घटनास्थलमा सेना र निकुञ्जको टोली पुगेको छ। घटनास्थल सौराहा नजिक पर्दछ। बाघको मृत्युको कारण खुल्न सकेको छैन।
यस्तै, नवलपरासीको कावासोती नगरपालिका-१५ स्थित गुन्द्रइढाका मध्यवर्ती सामुदायिक वन क्षेत्रमा एक भाले गैंडा मृत फेला परेको छ। गैंडा प्राकृतिक कारणले मरेको निकुञ्जका सूचना अधिकारी तिवारीले जानकारी दिए। गैंडाको खाग र खुर सुरक्षित छ।
-1732353496.jpg)
