दोदा नदीमा डुबेर दुई जनाको मृत्यु
कञ्चनपुरको दोदा नदीमा डुबेर दुई जनाको मृत्यु भएको छ।
जिल्ला प्रहरी कार्यालय, कञ्चनपुरका प्रवक्ता प्रहरी नायब उपरीक्षक उमेशराज जोशीले दोदा नदीमा डुबेर बेलौरी नगरपालिका-७, शान्तिपुरका १७ वर्षीय राजेन्द्र कुँवर र विजय कुँवरको शनिबार मृत्यु भएको जानकारी दिए। नुहाउने क्रममा उनीहरू डुबेका थिए।
यस्तै, शान्तिपुरकै समीर सुवेदी र शिशिर विष्ट भने घाइते भएका छन्। घाइतेमध्ये एक जनाको धनगढी र अर्काको बेलौरीस्थित श्रीपुर प्राथमिक स्वास्थ्य केन्द्रमा उपचार भइरहेको छ।
दुवै शव परीक्षणका लागि बेलौरी स्वास्थ्य केन्द्रमा राखिएका छन्।
-1732353496.jpg)
