सप्तरीको महादेवा गाउँपालिकामा भीषण आगलागी, सयभन्दा बढी घर जलेर नष्ट
सप्तरीको महादेवा गाउँपालिकामा मंगलबार भीषण आगलागी भएको छ।
गाउँपालिकाकाे वडा नम्बर १ चिम्टी टाेलमा दिउँसाे एक्कासि भएको आगलागीमा परी सयभन्दा बढी घर जलेर नष्ट भएका छन्। हुरी चलेका वेला आगलागी हुँदा ठूलो क्षति भएको प्रहरीले जनाएको छ।
वडाध्यक्ष जयकिशोर दासका अनुसार शत्रुधन यादवको घरबाट आगलागी शुरू भएको थियो। दासका अनुसार यो टोलमा यादव, मुसहर र मुस्लिम समुदायको बसोबास रहेको छ।
हाल आगो नियन्त्रणमा लिने प्रयास भइरहेको छ। राजविराज, शम्भुनाथ, हनुमाननगर कंकालिनी नगरपालिकाबाट आएको वारूणयन्त्रका साथै प्रहरी र स्थानीय आगो निभाउने काममा जुटेका छन्।
-1732353496.jpg)
