वेस्ट इन्डिज ‘ए’ विरुद्धको दोस्रो खेल आज
नेपाल भ्रमणमा रहेको वेस्ट इन्डिजको ‘ए’ टोली विरुद्ध दोस्रो टी-२० आज हुँदै छ।
कीर्तिपुरस्थित त्रिवि क्रिकेट मैदानमा खेल मध्याह्न १२:१५ बाट शुरू हुनेछ। नेपाल र वेस्ट इन्डिज ‘ए’ बीच पाँच खेलको शृंखला चलिरहेको छ। प्रतियोगिता अन्तर्गत हिजो भएको खेलमा नेपाल चार विकेटले विजयी भएको थियो। नेपालको जितमा कप्तान रोहित पौडेलले शतकीय पारी खेलेका थिए।
आसन्न टी-२० विश्वकपको तयारीस्वरूप यो प्रतियोगिता आयोजना गरिएको हो। प्रतियोगिता अन्तर्गत तेस्रो खेल आउँदो बुधबार, चौथो खेल बिहीबार र पाँचौं तथा अन्तिम खेल शनिबार खेलिनेछन्।
