बाँकेको बाहुबली हर्बलमा आगलागी
बाँकेको जानकी गाउँपालिका-६ स्थित बाहुबली हर्बल प्रालिको परिसरभित्र आगलागी भएको छ।
हर्बल प्रालिको परिसरभित्र राखिएको सल्लाको काठ र खोटोमा बिहीबार आगलागी भएको हो। आगो अझै नियन्त्रणमा नआएको जिल्ला प्रहरी कार्यालय, बाँकेले जनाएको छ।
आगलागी नियन्त्रणका लागि ११ वटा दमकल प्रयोग गरिएको प्रहरी उपरीक्षक तुलबहादुर कार्कीले बताए। आगो निभाउन भारतबाट समेत दमकल ल्याइएको छ।
आगो नियन्त्रणमा लिने प्रयास भइरहेको एसपी कार्कीले बताए। उनका अनुसार विद्युत् शर्ट भएर आगलागी भएको हो।
-1732353496.jpg)
