एसीसी प्रिमियर कप : साउदी अरबसँग भिड्दै नेपाल
एसीसी पुरुष टी-२० प्रिमियर कप अन्तर्गत आज नेपालले समूह चरणको अन्तिम खेल खेल्दै छ।
ओमानस्थित अल अमिरत क्रिकेट मैदानमा आज बिहान ११:४५ बाट नेपालले साउदी अरबको सामना गर्नेछ। यस खेल अगावै नेपालले मलेशिया, हङकङ र कतार विरुद्ध जित हासिल गर्दै सेमिफाइनलमा स्थान पक्का गरिसकेको छ।
नेपालले पहिलो खेलमा मलेशियालाई पाँच विकेट, दोस्रोमा कतारलाई ३२ रन र तेस्रोमा हङकङलाई आठ विकेटले पराजित गरेको थियो। त्यसैले नेपाल आज आफ्नो अपराजित यात्रा कायमै राख्न मैदानमा उत्रनेछ।
नेपाल समूह ‘ए’ को शीर्षस्थानमा छ। चार खेल खेलिसकेको कतार चार अंक सहित दोस्रो स्थानमा छ भने तीन खेल खेलेको साउदी दुई अंक सहित तेस्रो स्थानमा छ। त्यसैले साउदीले आज नेपाल विरुद्ध जित हात पार्दै अंकतालिकामा नेट रनरेटका आधारमा दोस्रो भई आफ्नो सेमिफाइनल यात्राको टुंगो लगाउने प्रयास गर्नेछ।
-1732180391.jpg)
-1732099242.jpg)
