आगलागीमा परी दुई बालबालिकाको ज्यान गयो
अछाममा सोमबार बिहान भएको आगलागीमा परेर दुई बालबालिकाको ज्यान गएको छ।
मेल्लेख गाउँपालिका–६ को षोडशामा स्थानीय दीपक बोहराको घरमा आगलागी भएको हो। आगलागीमा परी आठ वर्षीया भावना बोहरा र ६ वर्षीय गोपाल बोहराको ज्यान गएको जिल्ला प्रहरी कार्यालय, अछामका प्रहरी नायब उपरीक्षक (डीएसपी) सन्तोष पाठकले बताए।
डीएसपी पाठकका अनुसार भावना दीपककी छोरी हुन् भने गोपाल छिमेकी रमेश बोहराका छोरा हुन्।
सोमबार बिहान खरले छाएको छानामा आगो सल्किएको थियो। छानोसँगै घर जलेको डीएसपी पाठकले जानकारी दिए।
आगलागीको कारण खुल्न सकेको छैन। थप अनुसन्धानका लागि प्रहरी टोली घटनास्थल पुगेको उनले बताए।
-1732261651.jpg)
-1732259528.jpg)