प्रिमियर कपमा कतारसँग प्रतिस्पर्धा गर्दै नेपाल
एसीसी प्रिमियर कपमा आज नेपाल कतारसँग प्रतिस्पर्धा गर्दै छ।
ओमनको अल अमेरत क्रिकेट मैदानमा आज अपराह्न ४ः१५ बजे नेपाल र कतारको खेल शुरू हुनेछ। दुवै टोलीले दोस्रो पटक टी–२० मा प्रतिस्पर्धा गर्न लागेका हुन्।
यसअघि नेपाल र कतार एशिया कपको क्षेत्रीय छनोट प्रतियोगितामा भिडेका थिए। सन् २०१९ मा भएको खेलमा कतारले नेपाललाई चार विकेटले पराजित गरेको थियो।
यस प्रतियोगितामा अहिलेसम्म नेपाल र कतारले एक-एक खेल खेलेका छन्। नेपालले शुक्रबार मलेशियालाई पाँच विकेटले पराजित गरेको थियो भने कतार हङकङसँग २६ रनले पराजित भएको थियो।
प्रतियोगितामा नेपालसँगै समूह ‘ए’ मा कतार, मलेशिया, हङकङ र साउदी अरेबिया छन्। त्यस्तै, समूह ‘बी’ मा यूएई, ओमन, बहराइन, कुवेत र कम्बोडिया छन्।
-1732180391.jpg)
-1732099242.jpg)
