चिकित्सा शिक्षा आयोगको प्रतिवेदन सार्वजनिक, लोकमानसिंह कार्की सहित ४२ जनालाई कारवाहीको सिफारिस

शिक्षा

चिकित्सा शिक्षा आयोगको प्रतिवेदन सार्वजनिक, लोकमानसिंह कार्की सहित ४२ जनालाई कारवाहीको सिफारिस

हिमालखबर बुधबार, चैत २८, २०८०

शिक्षा, विज्ञान तथा प्रविधि मन्त्रालयले ‘चिकित्सा शिक्षा सम्बन्धी जाँचबुझ आयोग- २०७४’ को प्रतिवेदन सार्वजनिक गरेको छ।

मन्त्रालयले बुधबार जाँचबुझ आयोगको प्रतिवेदन सार्वजनिक गर्ने निर्णय गरेको थियो। मन्त्रीस्तरीय निर्णय भएसँगै प्रतिवेदन सार्वजनिक गरिएको हो।

सरकारले विशेष अदालतका पूर्व अध्यक्ष गौरीबहादुर कार्कीको अध्यक्षतामा चिकित्सा शिक्षाका विकृति-विसंगतिको जाँचबुझ गरी सुझाव सहितको प्रतिवेदन तयार गर्न आयोग गठन गरेको थियो। प्रतिवेदनले त्रिभुवन विश्वविद्यालयका पर्व उपकुलपति तीर्थ खनियाँ सहित ४२ व्यक्तिलाई भविष्यमा सरकारी काममा लगाउन नमिल्ने गरी कारबाही गर्न सिफारिश गरेको थियो।

१६९ पृष्ठको प्रतिवेदनमा गरिएको सिफारिश अनुसार तत्काल कार्यान्वयनमा लग्ने पनि निर्णय भएको शिक्षा मन्त्रालयका प्रवक्ता केशवप्रसाद दाहालले बताए।

यो पनि पढ्नुहोस् :