सशस्त्र प्रहरीको केन्द्रीय गोदाम घरमा आगलागी
काठमाडौंको बलम्बुस्थित सशस्त्र प्रहरी बलको केन्द्रीय गोदाममा आगलागी भएको छ।
सोमबार साँझ गोदाममा आगलागी भएको हो। सशस्त्र प्रहरी टोलीले आगो निभाउने प्रयास गरिरहेको छ।
आगलागीबाट कति सामान क्षति भयो भन्ने खुलिनसकेको सहप्रवक्ता प्रहरी नायब उपरीक्षक (डीएसपी) शैलेन्द्र थापाले बताए। गोदाममा रासन, लत्ताकपडा लगायत फ्री-स्केलका सामान तथा अस्पतालको उपकरणहरूको भण्डारण गरिएको उनले बताए।
खरीदका कागजपत्र भने मुख्यालयमा हुने भएकाले कागजात सुरक्षित रहेको पनि डीएसपी थापाले जानकारी दिए। आगलागीको कारण यकीन नभए पनि विद्युत् सर्ट भएको हुन सक्ने अनुमान गरिएको छ।
-1732535850.jpg)
