माओवादी नेता कालीबहादुर खाम पक्राउ
नेकपा (माओवादी केन्द्र)का नेता कालीबहादुर खाम पक्राउ परेका छन्।
नेता खामलाई कोटेश्वरका व्यापारी रामहरि श्रेष्ठको हत्या अभियोगमा पक्राउ गरिएको हो। उनलाई मंगलबार ठमेलबाट पक्राउ गरिएको जिल्ला प्रहरी परिसर, काठमाडौंका एसएसपी भूपेन्द्र खत्रीले बताए।
काठमाडौंमा पक्राउ परेका खामलाई आजै चितवन लग्ने तयारी गरिएको छ। उनी विरुद्ध जिल्ला अदालत, चितवनमा मुद्दा दर्ता भएको थियो।
व्यापारी श्रेष्ठको २०६४ सालमा हत्या गरिएको थियो। उनलाई २०६४ वैशाख १५ गते राति २ बजे अपहरण गरेर शक्तिखोरस्थित लडाकू शिविर लगिएको थियो। सोधपुछका क्रममा दिइएको यातनाबाट व्यापारी श्रेष्ठको ज्यान गएको थियो।
हत्या घटनामा दोषी ठहर भएका खाम फरार थिए। त्यही मुद्दामा उनलाई आजै चितवन लगिने प्रहरीले जनाएको छ।
-1732175085.png)
-1732099242.jpg)
-1732097316.jpg)
