नेपाललाई आयरल्यान्डले दियो २२३ रनको विशाल लक्ष्य
आयरल्यान्ड वुल्भ्सले नेपाललाई २२३ रनको विशाल लक्ष्य दिएको छ।
कीर्तिपुरस्थित त्रिवि क्रिकेट मैदानमा दुवै देशका ‘ए’ टोलीबीचको टी-२० प्रतियोगिता चलिरहेको छ। प्रतियोगिताको दोस्रो दिन शुक्रबारको खेलमा आयरल्यान्डले पाँच विकेटको क्षतिमा २२२ रन बनाएको हो।
आयरल्यान्डका लागि पेटर मुरले ४९, नेल रोक र केड कार्निचलले ३८-३८ तथा स्टेफन डोहेनीले ३४, गेरेथ डेलानीले ३० र गभिन हनीले १८ रन बनाए। दोस्रो बलमा पहिलो विकेट गुमाएको आयरल्यान्डले त्यसपछि भने विस्फोटक ब्याटिङ गरेको हो।
नेपालका लागि कमलसिंह ऐरीले तीन, सागर ढकाल र आरिफ शेखले एक-एक विकेट लिए।
नेपाल र आयरल्यान्डबीचको पहिलो खेल बिहीबार पानी परेपछि रद्द भएको थियो। यो शृंखला अन्तर्गत चार वटा टी-२० खेल हुनेछन्।
-1732180391.jpg)
-1732099242.jpg)
-1732097316.jpg)
