बहराइनको सामना गर्दै नेपाल
फिफा विश्वकप तथा एएफसी एशियन कप छनोटको दोस्रो चरण अन्तर्गत आज राति नेपालले पुनः बहराइनको सामना गर्दै छ।
बहराइनको रिफ्फास्थित न्याशनल स्टेडियममा हुने खेल नेपाली समय अनुसार राति १२:४५ बाट शुरू हुनेछ। यसअघि बिहीबार राति भएको खेलमा नेपाल बहराइनसँग ५-० गोलअन्तरले पराजित भएको थियो। यसैले पनि आज बहराइनको टोली उच्च मनोबल सहित मैदानमा उत्रने देखिन्छ।
अहिले नेपाल चार टोली सम्मिलित समूह ‘एच’ मा तीनमध्ये तीनै खेल हारेर पुछारमा छ। बहराइन तीन खेलमा दुई जित सहित दोस्रो स्थानमा छ। यस्तै, यो समूहमा आफूले खेलेका सबै तीन खेल जितेर यूएई पहिलो स्थानमा छ भने तीन खेलमा एक जित सहित यमन तेस्रो स्थानमा छ।
दशरथ रंगशालाको मैदान खेल्न उपयुक्त नभएपछि नेपालले होम एन्ड अवेका दुवै खेल बहराइनमै खेल्न लागेको हो।
-1732175085.png)
-1732099242.jpg)
-1732097316.jpg)
