हेल्प नेपाल बन्यो भलिबल च्याम्पियन
त्रिभुवन आर्मी क्लबलाई पराजित गर्दै टिपटप हेल्प नेपालले आरबीबी एनभीए च्याम्पियनशिपको उपाधि जितेको छ।
त्रिपुरेश्वरस्थित राष्ट्रिय खेलकूद परिषद्को कभर्डहलमा शनिबार भएको फाइनल खेलमा हेल्प नेपालले आर्मी क्लबलाई ३-२ को सेटले पराजित गरेको हो। प्रतिस्पर्धात्मक खेलको निर्णायक सेटमा हेल्प नेपालले रोमाञ्चक जित हासिल गरेको हो।
पहिलो सेटमा आर्मीले हेल्प नेपाललाई २५-२० अंकले पराजित गरेको थियो। दोस्रो सेटमा हेल्प नेपालले आर्मीलाई २७-२५ अंकले पराजित गर्दै बराबरी बनाएको थियो।
तेस्रो सेट फेरि आर्मीले जित्यो। आर्मीले हेल्प नेपाललाई २५-२३ अंकले पराजित गरेको थियो।
त्यसपछिको चौथो सेट हेल्प नेपाल आफ्नो पक्षमा पार्न सफल भयो। यसमा हेल्प नेपालले आर्मीलाई २९–२७ अंकले पराजित गर्दै सेट बराबरी गरेको थियो।
त्यसपछि पाँचौं सेटमा गएको खेललाई हेल्प नेपालले लगातार म्याच पोइन्ट निकाल्दै २२-२० अंकको रोमाञ्चक जित हासिल गरेको हो।
यो जितसँगै हेल्प नेपालले पाँच लाख रुपैयाँ पुरस्कार पाएको छ। उपविजेता आर्मीले दुई लाख रुपैयाँ पुरस्कार पाएको छ। तेस्रो स्थानमा रहेको पुलिस क्लबले एक लाख २५ हजार रुपैयाँ पुरस्कार पाएको छ।
-1732175085.png)
-1732099242.jpg)
-1732097316.jpg)
