किशोरीको हत्या गरेको आरोपमा एक युवक पक्राउ
धरान उपमहानगरपालिका-१६ की सुमना श्रेष्ठको हत्या गरेको आरोपमा एक युवक पक्राउ परेका छन्।
शुक्रबार इलाका प्रहरी कार्यालय, धरानले पत्रकार सम्मेलन गरी हत्या गरेको आरोपमा पक्राउ परेका सबिन नामले चिनिने १९ वर्षीय बाबुराम भुजेललाई सार्वजनिक गरेको छ। सुमना र बाबुरामबीच प्रेम सम्बन्ध रहेको प्रहरीको भनाइ छ।
पछिल्लो समय दुवै जनाबीच खटपट भएको देखिएको प्रहरीले जनाएको छ। सम्बन्धी बिग्रँदै गएपछि बाबुरामले योजनाबद्ध रूपमा सुमनाको हत्या गरेको पाइएको प्रहरी उपरीक्षक (एसपी) विपिन रेग्मीले बताए।
प्रहरीका अनुसार चैत ६ गते बाबुराम सुमनालाई भेट्न धरान आएका थिए। दुवै जनाबीच भेटघाट पनि भएको थियो। त्यसपछि बाबुरामले सुमनामाथि खुकुरी प्रहार गरेको एसपी रेग्मीको भनाइ छ।
सुमनाको हत्या गरेपछि बाबुराम भागेर राति नै घनकुटा पुगेको पाइएको छ। प्रहरीले उनलाई मूलघाटमा लुकेर बसेको अवस्थामा पक्राउ गरेर धरान ल्याएको हो।
अहिलेसम्मको अनुसन्धानमा सुमनाको हत्यामा बाबुरामको मात्र संलग्नता देखिएको एसपी रेग्मीले बताए। तैपनि विभिन्न कोणबाट थप अनुसन्धान भइरहेको उनको भनाइ छ।
-1732175085.png)
-1732099242.jpg)
-1732097316.jpg)
