गण्डकीलाई सोझो सेटमा हराउँदै हेल्प नेपाल फाइनलमा
साविक विजेता टिपटप हेल्प नेपाल गण्डकी प्रदेशलाई ३-० को सेटमा हराउँदै फाइनलमा प्रवेश गरेको छ।
शुक्रबार भएको आरबीबी एनभीए भलिबल च्याम्पियनशिपको पुरुषतर्फको सेमिफाइनलमा हेल्प नेपालले जित निकालेको हो।
राष्ट्रिय खेलकूद परिषद्को कभर्ड हलमा भएको खेलमा हेल्प नेपालले गण्डकीलाई २५-१९, २७-२५ र २५-१९ अंकले हराएको हो। सेमिफाइनल खेलमा उसमान एफ. प्लेर अफ द म्याच भए।
केही बेरमा सेमिफाइनलको अर्को खेलमा त्रिभुवन आर्मी र नेपाल पुलिस क्लब भिड्दै छन्। आजको विजेता टोलीसँग हेल्प नेपालले फाइनलमा प्रतिस्पर्धा गर्नेछ। फाइनल शनिबार हुँदै छ।
-1732175085.png)
-1732099242.jpg)
-1732097316.jpg)
