साझा संकल्प : नेपाली भूमि फिर्ता लिन प्रभावकारी कूटनीति अघि बढाइने
-1710855891.jpg)
सरकारले लिम्पियाधुरा, लिपुलेक, कालापानी, सुस्ता लगायत नेपाली भूमि फिर्ता लिन प्रभावकारी कूटनीतिक प्रयास अगाडि बढाउने भएको छ।
सत्तारूढ पाँच राजनीतिक दलले आज सार्वजनिक गरेको न्यूनतम नीतिगत प्राथमिकता र साझा संकल्पमा यस्तो प्रयास अघि बढाउने उल्लेख छ। ‘नेपालको भौगोलिक अखण्डता, सार्वभौमसत्ता, स्वाधीनता र स्वतन्त्रतालाई थप सुदृढ बनाउने; लिम्पियाधुरा, लिपुलेक, कालापानी, सुस्ता लगायत नेपाली भूमि फिर्ता लिन प्रभावकारी कूटनीतिक प्रयास अगाडि बढाउने; सीमाको प्रभावकारी व्यवस्थापन गर्ने,’ भनी साझा संकल्पमा उल्लेख छ।
यस्तै, नेपालको हित संरक्षण र प्रवर्द्धन हुने गरी विद्यमान सन्धिसम्झौताको पुनरावलोकन गर्ने, आवश्यकता अनुसार नयाँ सन्धिसम्झौता गर्ने तथा द्विपक्षीय तथा बहुपक्षीय संस्थामा आबद्धता वृद्धि गर्ने पनि साझा संकल्पमा उल्लेख छ।
-1732261651.jpg)
-1732259528.jpg)