पूर्व उपराष्ट्रपतिका छोरा दिपेश पुन पक्राउ
पूर्व उपराष्ट्रपतिका छोरा दिपेश पुन पक्राउ परेका छन्।
नेपाल प्रहरीको प्रधान कार्यालयबाट खटिएको टोलीले पुनलाई पक्राउ गरेको नेपाल प्रहरीका प्रवक्ता भीम ढकालले बताए। पुनमाथि सुन तस्करी र सहकारी ठगी प्रकरणमा छानबिन भइरहेको छ। सुन तस्करीमा मुछिएपछि उनी फरार थिए।
उनी पूर्व उपराष्ट्रपति नन्दबहादुर पुनका छोरा हुन्। सत्तारूढ नेकपा (माओवादी केन्द्र)को विद्यार्थी संगठन अनेरास्ववियु क्रान्तिकारीका महासचिव समेत रहेका पुनको सुन तस्करीमा संलग्नता देखिएको प्रहरीले जनाएको छ।
साढे ६० किलो सुन तस्करीमा पक्राउ परेका दावा छिरिङसँग पुनको सम्बन्ध देखिएको थियो। त्यसपछि नेपाल प्रहरीको केन्द्रीय अनुसन्धान ब्यूरो (सीआईबी)ले उनलाई पनि छानबिनको दायरामा ल्याएको थियो।
दावा भने गत साउन १४ गते पक्राउ परेका थिए। अहिले उनी पुर्पक्षका लागि कारागारमा छन्।
यो पनि पढ्नुहोस् :
-1732535850.jpg)
-1732452683.jpg)
