उदयपुरमा गाडी दुर्घटना, ६ यात्रुको मृत्यु
धरानबाट भोजपुरको दक्षिण घोरेटार जाँदै गरेको गाडी उदयपुरमा दुर्घटना हुँदा ६ जनाको मृत्यु भएको छ भने आठ जना घाइते भएका छन्।
घोरेटार जाँदै गरेको को १ ज २५९३ नम्बरको बोलेरो बिहीबार उदयपुरको मैनमैनीमा दुर्घटना भएको हो। दुर्घटनामा ६ जनाको घटनास्थलमै मृत्यु भएको जिल्ला प्रहरी कार्यालयले जनाएको छ।
प्रहरीका अनुसार गाडीमा १४ जना सवार थिए। उनीहरूमध्ये ६ जनाको मृत्यु भएको र आठ जना घाइते भएको प्रारम्भिक जानकारी आएको प्रहरीले जनाएको छ।
दुर्घटनामा जीप चालक मानबहादुर बस्नेतको मृत्यु भएको छ। अन्य पाँच जनाको सनाखत हुन सकेको छैन।
घाइतेको उद्धार गरेर उपचारका लागि धरानस्थित बीपी कोइराला स्वास्थ्य विज्ञान प्रतिष्ठान पठाइएको प्रहरीले जनाएको छ।
-1732180391.jpg)
-1732099242.jpg)
