फाइनलमा पुग्न अन्तिम खेलमा नेदरल्यान्ड्ससँग भिड्दै नेपाल
त्रिदेशीय टी-२० शृंखलाको फाइनलमा पुग्ने लक्ष्य सहित आज नेपालले नेदरल्यान्ड्ससँग प्रतिस्पर्धा गर्दै छ।
नेपाल र नेदरल्यान्ड्सको खेल आज बिहान ११ः३० बजे कीर्तिपुरस्थित त्रिवि क्रिकेट मैदानमा शुरू हुनेछ। यो नेपालको लिग चरणको अन्तिम खेल हो। आजको खेल जितेमा नेपालको फाइनल पुग्ने सम्भावना जीवितै रहनेछ।
नामिबिया र नेदरल्यान्ड्स सम्मिलित शृंखला अन्तर्गत नेपालले अहिलेसम्म खेलेका तीनमध्ये एक खेल मात्रै जितको छ। शुक्रबार नामिबियालाई तीन रनले पराजित गरेको थियो।
यसअघि भएका दुई खेलमा नामिबिया र नेदरल्यान्ड्ससँग पराजित भएको थियो। पहिलो खेलमा नेपाल नामिबियासँग २० रनले र दोस्रो खेलमा नेदरल्यान्ड्ससँग दुई रनले पराजित भएको थियो।
यो शृंखलामा नेदरल्यान्ड्स अहिलेसम्म खेलेका दुवै खेल जितेर चार अंक सहित अंकतालिकाको शीर्षस्थानमा छ। नेपाल र नामिबियाको समान दुई अंक छ। रनरेटका आधारमा नेपाल दोस्रो तथा नामिबिया तेस्रो नम्बरमा छन्। शीर्ष दुई टोलीले फाइनलमा प्रतिस्पर्धा गर्नेछन्।
नेदरल्यान्ड्स र नामिबियाबीच एक खेल बाँकी छ। नेपाल आजको खेल जित्नै पर्ने दबाबमा छ।
-1732180391.jpg)
-1732099242.jpg)