नेपाल र नामिबिया भिड्दै, जित्नै पर्ने दबाबमा नेपाल
त्रिदेशीय टी-२० शृंखला अन्तर्गत आइतबार नेपाल र नामिबियाबीच प्रतिस्पर्धा हुँदै छ।
नेपाल र नामिबियाको खेल आज बिहान ११ः३० बजे कीर्तिपुरस्थित त्रिवि क्रिकेट मैदानमा हुनेछ। नेपाल भने आजको खेल जित्नै पर्ने दबाबमा छ।
अहिलेसम्म तीनै टोलीले दुई-दुई खेल खेलिसकेका छन्। सबै टोलीका दुई-दुई खेल बाँकी छन्।
दुवै खेल जितेको नेदरल्यान्ड्स फाइनल नजिक पुगेको छ। अब एक खेल जितेमा फाइनल खेल खेल्ने पक्का हुनेछ।
नामिबियाले दुईमध्ये एक खेल जितेको छ। अंकतालिकाको दोस्रो स्थानमा रहेको नामिबियाको दुई अंक छ।
नेपालले भने यसअघि खेलेका दुवै खेलमा हार बेहोरेको छ। आजको खेल जिते मात्रै फाइनलको सम्भावना जीवित रहनेछ।
पहिलो खेलमा नेपाल नामिबियासँग २० रनले पराजित भएको थियो। त्यस्तै, दोस्रो खेलमा नेदरल्यान्ड्ससँग दुई रनले हारेको थियो।
-1732261651.jpg)
-1732259528.jpg)
