टी-२० शृंखला : आज नेपाल र नेदरल्यान्ड्सको प्रतिस्पर्धा
काठमाडौंमा जारी त्रिदेशीय टी-२० शृंखलाको दोस्रो खेलमा आज नेपाल र नेदरल्यान्ड्स प्रतिस्पर्धा गर्दै छन्।
कीर्तिपुरस्थित त्रिवि क्रिकेट मैदानमा बिहान ११ः३० बजे नेपाल र नेदरल्यान्ड्सको खेल हुनेछ। पहिलो खेलमा मंगलबार नामिबियासँग पराजित भएको नेपालले दोस्रो खेलमा बलियो टोली नेदरल्यान्ड्ससँग प्रतिस्पर्धा गर्नेछ।
अहिलेसम्म नेपाल र नेदरल्यान्ड्सबीच भएका खेलमा नेपालकै पल्ला भारी छ। दुई देशबीच भएका पछिल्ला पाँच खेलमा नेपालले तीन खेल जितेको छ भने नेदरल्यान्ड्सले एक खेल जितेको छ। एक खेल पानी परेपछि बीचमै रोकिएको थियो।
त्यस्तै, नेपाल र नेदरल्यान्ड्सले खेलका पछिल्ला पाँच पाँच खेलमा भने दुवैको जित उस्ताउस्तै छ। नेपालले खेलका पछिल्ला पाँच खेलमा दुई जितेको छ भने दुई हारेको छ। एक खेल बराबरीमा टुंगिएको छ।
नेदरल्यान्ड्सले खेलेका पछिल्ला पाँच खेलमा दुई जितेको छ भने तीन खेलमा हार बेहोरेको छ।
यस प्रतियोगितामा नेपाल, नेदरल्यान्ड्स र नामिबियाले एकअर्कासँग दुई दुई खेल खेल्नेछन्। पहिलो खेलमा भने नेपालले नामिबियासँग हार बेहोरेको थियो।
-1732180391.jpg)
-1732099242.jpg)
