लेबनानलाई पराजित गर्दै नेपाल वाफ च्याम्पियनशिपको फाइनलमा
टीम नेपालले वाफ महिला च्याम्पियनशिप उपाधिका लागि जोर्डनसँग खेल्ने भएको छ।
साउदी अरबमा जारी प्रतियोगितामा मंगलबार लेबनानलाई २-१ गोलअन्तरले पराजित गर्दै नेपालले फाइनल यात्रा तय गरेको हो।
पूजा रानाले किपर एन्जिला सुब्बा तुम्बापोलाई दिएको पास आत्मघाती गोलमा परिणत भएपछि नेपाल पहिलो हाफमा १-० गोलले पछि परेको थियो।
दोस्रो हाफमा सावित्रा भण्डारीले बराबरी गोल गरेकी थिइन्। सावित्रा प्रतियोगिताकै सर्वाधिक गोलकर्ता हुन्। नेपालका लागि प्रीति राईले विजयी गोल गरिन्।
जोर्डन भने प्यालेस्टाइनलाई पराजित गरेर फाइनल पुगेको हो। नेपालले समूह चरणमा सिरिया, इराक र प्यालेस्टाइनलाई पराजित गरेको थियो। नेपालले वाफ च्याम्पियनशिपमा पहिलो पटक भाग लिएको हो।
नेपाल र जोर्डनबीचको खेल बिहीबार हुँदै छ।
-1732180391.jpg)
-1732099242.jpg)
