नेपालको सेमिफाइनलमा लेबनानसँग प्रतिस्पर्धा
समूह चरणका सबै खेल जितेको नेपालले सेमिफाइनलमा लेबनानसँग प्रतिस्पर्धा गर्ने भएको छ।
वाफ महिला च्याम्पियनशिप अन्तर्गत गएराति भएको खेलमा नेपालले प्यालेस्टाइनलाई ४-० गोलअन्तरले पराजित गरेको हो।
नेपालका लागि सावित्रा भण्डारी ‘साम्बा’ ले दुई गोल गरिन्। त्यस्तै, रेखा पौडेल र गीता रानाले एक-एक गोल थपे। योसँगै नेपाल समूह विजेता बनेर सेमिफाइनलमा पुगेको हो।
समूह ‘बी’ मा रहेको नेपालले तीनै खेल जितेर नौ अंक जोडेको छ। नेपालसँग पराजित भए पनि प्यालेस्टाइन ६ अंक सहित सेमिफाइनलमा पुगेको छ। नेपाल रहेको समूहका सिरिया र इराक भने बाहिरिएका छन्।
त्यस्तै, समूह ‘ए’ बाट जोर्डन र लेबनान सेमिफाइनलमा पुगेका छन्। सेमिफाइनलमा नेपाल र लेबनान तथा जोर्डन र प्यालेस्टाइनले प्रतिस्पर्धा गर्नेछन्। सेमिफाइनलका दुवै खेल मंगलबार हुनेछन्।
-1732535850.jpg)
-1732452683.jpg)
