थापाथलीबाट हराएको शिशु काँडाघारीमा फेला
थापाथलीस्थित प्रसूति गृहबाट हराएको शिशु काँडाघारीमा फेला परेको छ।
शिशुका बुबा पूजन श्रेष्ठले शुक्रबार राति साढे ११ बजे काँडाघारीमा शिशु फेला परेको बताए। उनका अनुसार दैलेख घर भएर काँडाघारीमा बस्दै आएकी एक महिलाले शिशु लगेकी हुन्।
“राति साढे ११ बजे शिशु फेला परेको भनेर प्रहरीले खबर गरेपछि हामीले लिएर आयौं,” पूजनले भने।
पूजनलाई प्रहरीले बताए अनुसार ती महिलाले थापाथलीबाट ट्याक्सीमा शिशु लगेकी थिइन्। उनलाई अनुसन्धानका लागि प्रहरीले पक्राउ गरेको पूजनले बताए।
“उनले किन हाम्रो बच्चा लगेकी थिइन्, केही भनिएको छैन,” पूजनले भने।
शुक्रबार बिहान ११ बजे थापाथलीस्थित प्रसूति गृह परिसरबाट २२ दिनको शिशु हराएको थियो।
-1732535850.jpg)
-1732452683.jpg)
