लिग-२ : नेपाल र नामिबिया दोस्रो पटक भिड्दै
आईसीसी क्रिकेट विश्वकप लिग-२, २०२३-२७ अन्तर्गतको आज नेपाल र नामिबिया पुनः भिड्दै छन्।
कीर्तिपुरस्थित त्रिवि क्रिकेट मैदानमा आज साढे ९ बजेबाट खेल शुरू हुनेछ।
प्रतियोगिता अन्तर्गत यसअघि नामिबिया विरुद्धको पहिलो खेलमा नेपाल पराजित भएको थियो। नामिबियाले चार विकेटको जित हासिल गरेको थियो। तर दोस्रो खेलमा नेदरल्यान्ड्सलाई नेपालले नौ विकेटले पराजित गरेको थियो। तेस्रो खेलमा भने नेदरल्यान्ड्सले नामिबियालाई सात विकेटले पराजित गरेको थियो।
हालसम्म अंकतालिकामा तीन वटै टोलीले समान दुई-दुई अंक बटुलेका छन्। तर नेट रनरेटका आधारमा नेपाल शीर्षस्थानमा छ।
यस त्रिदेशीय शृंखलामा नेपाल, नामिबिया र नेदरल्यान्ड्स सहभागी छन्। यस बाहेक समग्र लिग-२ प्रतियोगितामा भने क्यानडा, ओमान, स्कटल्यान्ड, यूएई र अमेरिका समेत गरी आठ टोली सहभागी छन्।
-1732261651.jpg)
-1732259528.jpg)