घाँटीमा चक्कु रोपिएको अवस्थामा युवक मृत फेला
चितवनको खैरहनी नगरपालिका-२, चैनपुरका एक युवक मृत फेला परेका छन्।
निर्माणाधीन हर्बल कम्पनीको पर्खाल नजिक घाँटीमा चक्कु रोपिएको अवस्थामा मंगलबार बिहान करीब ७ बजे युवक मृत भेटिएको जिल्ला प्रहरी कार्यालय, चितवनले जनाएको छ। मृतक २४ वर्षीय कृष्णप्रसाद खनाल रहेको प्रहरीले जानकारी दिएको छ।
घटनास्थल मृतकको घरबाट करीब ५०० मिटर पूर्वतर्फ रहेको छ। घटनाबारे अनुसन्धान भइरहेको जिल्ला प्रहरी कार्यालय, चितवनका प्रवक्ता प्रहरी नायब उपरीक्षक श्रीराम भण्डारीले जानकारी दिए।
-1732180391.jpg)
-1732099242.jpg)
