ड्यूटी बसेकी प्रहरीको गोली हानेर हत्या
दाङमा ड्यूटीमा खटिएकी प्रहरीको गोली हानेर हत्या गरिएको छ।
घोराहीको दामोदर चोकमा ड्यूटीमा खटिएकी प्रहरी जवान धनमाया थापालाई उनकै श्रीमान् यमबहादुर झाँक्रीले गोली प्रहार गरेको प्रहरीले जनाएको छ। बिहीबार साँझ साढे ८ बजेतिर मोटरसाइकलमा आएका झाँक्रीले श्रीमतीमाथि गोली प्रहार गरेको प्रहरीले बताएको छ।
गम्भीर घाइते थापाको उपचारका क्रममा राप्ती स्वास्थ्य विज्ञान प्रतिष्ठान घोराहीमा ज्यान गएको हो। गोली लागेर ज्यान गुमाएकी थापा वडा प्रहरी कार्यालय, घोराहीमा कार्यरत थिइन्।
जिल्ला प्रहरी कार्यालय, दाङका प्रहरी नायब उपरीक्षक जनकबहादुर मल्लका अनुसार घटनास्थलमा तीन राउन्ड गोली चलेको थियो भने गोली चलाउने झाँक्रीलाई लमही नगरपालिका–६, अर्जुनखोलाबाट पक्राउ गरिएको छ।
-1732261651.jpg)
-1732259528.jpg)