माल्दिभ्सलाई १३ रनमा समेट्दै नेपाल विजयी
एसीसी महिला प्रिमियर कप २०२४ अन्तर्गत आज भएको माल्दिभ्स विरुद्धको खेलमा नेपाल २१४ रनले विजयी भएको छ।
मलेशियामा भइरहेको प्रतियोगिताको समूह ‘डी’ अन्तर्गतको खेलमा नेपाल विरुद्ध २२८ रनको लक्ष्य पछ्याएको माल्दिभ्सले १३ ओभर पाँच बलमा १३ रनमै १० विकेट गुमाएको थियो। नेपालका लागि अस्मिना कर्माचार्यले चार तथा पूजा महतो र रुविना क्षेत्रीले समान तीन विकेट लिए।
ब्याटिङतर्फ भने नेपालका लागि रुविना क्षेत्रीले ५९ बलमा ११८ रन बनाएकी थिइन्। उनको पारीमा १० चौका र पाँच छक्का समावेश थियो। यस्तै, पूजा महतोले ५९, कविता कुँवरले १३, सीता राना मगरले १५ तथा डली भट्टले ६ रन बनाए। कप्तान इन्दु बर्मा शून्य रनमा आउट भइन्।
यसअघि नै नेपालले लगातार दोस्रो जित निकाल्दै चार अंकका साथ क्वार्टरफाइनलमा स्थान बनाइसकेको थियो। माल्दिभ्स भने आफ्नो पहिलो खेलमा भूटान, दोस्रोमा हङकङ र तेस्रोमा नेपालसँग पराजित भई प्रतियोगिताबाट बाहिरिइसकेको छ।
-1732180391.jpg)
-1732099242.jpg)