क्यानडाले नेपाललाई दियो २३३ रनको लक्ष्य
एकदिवसीय क्रिकेट शृंखला अन्तर्गत सोमबार क्यानडाले नेपाललाई २३३ रनको लक्ष्य दिएको छ।
कीर्तिपुरस्थित त्रिवि क्रिकेट मैदानमा टस हारेर ब्याटिङको निम्तो पाएको क्यानडाले आठ विकेटको क्षतिमा २३२ रन बनाएको हो। क्यानडाका लागि नवनीत धालिवालले अर्धशतक प्रहार गरे। उनले ८२ बलमा पाँच चौकाको मद्दतले ५० रन बनाए।
त्यस्तै, निखिल दत्तले ४५, साद विन जाफरले ३१, हर्ष ठाकरले २९, श्रेयस मोव्वाले २५ र श्रीमन्त विजयरत्नेले २२ रन बनाए।
नेपालका लागि हेमन्त धामीले तीन, कुशल मल्लले दुई, ललित राजवंशी र आकाश चन्दले एक-एक विकेट लिए।
तीन खेलको शृंखलाको यो अन्तिम खेल हो। यसअघिका दुई खेल नेपालले जितेको थियो।
-1732353496.jpg)
