अनिल साहको कीर्तिमानी अर्धशतक
क्यानडासँगको एकदिवसीय क्रिकेट प्रतियोगितामा अनिल साहले कीर्तिमानी अर्धशतक प्रहार गरेका छन्।
कीर्तिपुरस्थित त्रिवि क्रिकेट मैदानमा शनिबार नेपालका प्रारम्भिक ब्याटर साहले विस्फोटक ब्याटिङ गरे। उनले १९ बलमा ५० रन बनाए।
आक्रामक ब्याटिङ गरेका साहले सात चौका र तीन छक्का प्रहार गरे। उनले १९औं बलमा छक्का प्रहार गरेर अर्धशतक बनाएका थिए।
यो एकदिवसीय क्रिकेटमा नेपाली खेलाडीले बनाएको छिटो अर्धशतक हो। उनी २०औं बलमा एलबीडब्लू आउट भए।
नेपालले २८६ रनको लक्ष्य पछ्याउने क्रममा दुई विकेट गुमाएर ११२ रन बनाएको छ। अहिले देव खनाल र रोहित पौडेल क्रिजमा छन्।
-1732180391.jpg)
-1732099242.jpg)