वृद्धभत्ता बुझेर घर फर्किंदा बाटामै मृत्यु
वृद्धभत्ता बुझेर घर फर्किरहेका सोलुखुम्बुका एक वृद्धको बाटामै मृत्यु भएको छ।
सोलुखुम्बुको सोलुदूधकुण्ड नगरपालिका-१०, टाप्टिङका ८५ वर्षीय सिद्धिबहादुर मगर वृद्धभत्ता बुझ्न बुधबार सदरमुकाम सल्लेरी आएका थिए। वृद्धभत्ता बुझेर घर फर्किने क्रममा सिसाखोला पुग्दा जीपमै उनको ज्यान गएको जिल्ला प्रहरी कार्यालयका प्रहरी निरीक्षक अनिल मिश्रले बताए।
प्रहरी निरीक्षक मिश्रका अनुसार सोलुदूधकुण्ड-९, सिसाखोलामा खाजा खाने क्रममा वृद्ध नआएपछि हेर्न जाँदा जीपमै मृत भेटिएका हुन्। मृत्युको कारण भने खुलेको छैन। उनको शव परीक्षणका लागि जिल्ला अस्पताल, फाप्लु ल्याइएको छ।
-1732261651.jpg)
-1732259528.jpg)