एनसेलले ल्यायो ‘इन्डिया रोमिङ प्याक’
एनसेलले भारत भ्रमणमा जाने ग्राहकका लागि आकर्षक रोमिङ प्याक सञ्चालन गरेको छ।
यो प्याक शुरू गरी ग्राहकले सुलभ शुल्कमा भारतमा रहँदा सहजै सम्पर्कमा रहन सक्नेछन्। ग्राहकले कर सहित १०० रुपैयाँमा यो रोमिङ प्याक शुरू गर्न सक्नेछन्। तीन दिनसम्म रोमिङ सेवाको पहुँचबाट फाइदा लिन सकिनेछ।
प्रतिदिन ३३ रुपैयाँमा तीन दिनसम्म रोमिङ सेवा उपलब्ध हुने एनसेलले जनाएको छ। यससँगै ग्राहकले तत्काल ५०० एमबी डेटा, भोइस र एसएमएस सेवामा पनि छूट पाउने व्यवस्था गरिएको छ।
यो प्याक माघ १९ गतेदेख सञ्चालनमा आएको हो। यो प्याकले सीमावर्ती शहरहरू वीरगन्ज, भैरहवा, नेपालगन्ज, विराटनगर, जनकपुरबाट भारत आउजाउ गर्ने व्यक्तिलाई सहजता प्रदान गर्नेछ।
-1732180391.jpg)
-1732099242.jpg)
