घरमा आगलागी हुँदा दाजु र बहिनीको मृत्यु
मुगुको खत्याड गाउँपालिका-२, गाडेखोलास्थित सरस्वती सन्ज्यालको घरमा आगलागी हुँदा दुई बालबालिकाको मृत्यु भएको छ।
आगलागीमा परेर १४ वर्षीय विशाल सन्ज्याल र १२ वर्षीया झरना सन्ज्यालको मृत्यु भएको जिल्ला प्रहरी कार्यालय, मुगुका प्रहरी नायब उपरीक्षक (डीएसपी) वीरेन्द्र थापाले बताए। उनका अनुसार विशाल र झरना दाजुबहिनी हुन्।
प्रहरीका अनुसार चिसोबाट जोगाउन सरस्वतीले जस्तापाताले छाएको कच्ची घरको भुइँतलामा आगो बालेकी थिइन्। विशाल र झरना कोठामा सुतिरहेका थिए।
त्यहींबाट सल्केर आगलागी भएको प्रहरीले जनाएको छ। प्रहरीले स्थानीय बासिन्दाको सहयोगमा आगो निभाएको थियो।
आगो निभाएर घरभित्र पस्दा दुवै जनाको शव भेटिएको डीएसपी थापाले जानकारी दिए। आगलागीमा पशुचौपाया पनि जलेर मरेका छन्।
-1732261651.jpg)
-1732259528.jpg)