हुन्डाई एक्सटरको बुकिङ खुला
हुन्डाईको आधिकारिक बिक्रेता लक्ष्मी इन्टरकन्टिनेन्टल प्रालिले शुभ एक्सटरको बुकिङ खुला गरेको छ।
गत भदौमा सम्पन्न नाडा अटो शोमा सो यो गाडी प्रदर्शन गरिएको थियो। अहिले बुकिङ खुला गरिएको छ भने छिट्टै बजारमा उपलब्ध हुने कम्पनीले जनाएको छ।
हुन्डाई एक्सटर पाँच सिटे एसयूभी कम्पनी मोडेल लाइनअपमा यो पहिलो हो। गत जुलाई महीनामा भारतमा सार्वजनिक गरिएको थियो।
एक्सटरको फ्रन्टमा स्प्लिट हेडलाइट सेटअप र एलईडी डीआरएल दिइएको छ। यसको डीआरएल एच प्याटर्नमा राखिएको छ र इन्टेरिएरमा इलेक्ट्रिक सनरुफ, वायरलेस चार्जर, एन्ड्रोइड अटो र एप्पल कारप्ले सपोर्ट, डिजिटल इन्स्ट्रयुमेन्ट क्लस्टर लगायत फिचर उपलब्ध छन्।
यो ६ वटा रंगमा उपलब्ध हुनेछ। एक्सटरका नेपाली बजारमा ‘ई’, ‘एस’ र ‘एसएक्स’ गरी तीन भेरिएन्टमा उपलब्ध हुने जनाइएको छ। ‘ई’को मूल्य ३४ लाख ९६ हजार, ‘एस’को मूल्य ४० लाख ९६ हजार र ‘एसएक्स’को मूल्य ४४ लाख ९६ हजार हुने कम्पनीले जनाएको छ।
-1732180391.jpg)
-1732099242.jpg)
