हेलम्बु जीप दुर्घटनामा दुई भुटानी नागरिकको मृत्यु, पाँच घाइते
सिन्धुपाल्चोकको हेलम्बु जीप दुर्घटना हुँदा दुई भुटानी नागरिकको मृत्यु भएको छ भने पाँच जना घाइते भएका छन्।
बुधबार बा २ च ४४५० नम्बरको जीप गाउँपालिका-१ दोरिङ भीरमा दुर्घटना भएको हो। दुर्घटनामा भुटानी नागरिक ३३ वर्षीय अब्गे र ७१ वर्षीया वाङ्मुको मृत्यु भएको जिल्ला प्रहरी कार्यालयका प्रहरी निरीक्षक सञ्जीवकुमार यादवले बताए। दुवै जनाको घट्नास्थलमै मृत्यु भएको हो।
दुर्घटनामा चार भुटानी नागरिक र एक नेपालीको घाइते भएका छन्। हेलम्बु गाउँपालिका-२ का चालक ४२ वर्षीय रामचन्द्र भण्डारी तथा भुटानी नागरिक ७४ वर्षीय हाइज, ४२ वर्षीया फुपा छिरिङ, ६५ वर्षीया गुची र ५६ वर्षीय फुँङ घाइते भएको प्रहरीले जनाएको छ।
घाइतेलाई उपचारका लागि हेलिकोप्टरमार्फत काठमाडौं लगिएको प्रहरी निरीक्षक यादवले बताए।
-1732261651.jpg)
-1732259528.jpg)