यू-१९ विश्वकप : नेपालले आज पाकिस्तानको सामना गर्ने
आईसीसी यू-१९ पुरुष क्रिकेट विश्वकपमा आज नेपाल र पाकिस्तान भिड्दै छन्।
नेपाली समय अनुसार खेल दिउँसो १:४५ मा दक्षिण अफ्रिकाको बफेलो पार्क मैदानमा हुनेछ। यसअघि यी दुवै टोलीले एक-एक खेल खेलिसकेका छन्। नेपालले पहिलो खेलमा न्यूजिल्यान्डसँग ६४ रनको हार बेहोरेको थियो भने पाकिस्तानले पहिलो खेलमा अफगानिस्तानलाई १८१ रनले हराएको थियो।
नेपाली टोलीको नेतृत्व देव खनालले गर्नेछन् भने पाकिस्तान साद बाइगको कप्तानीमा मैदानमा उत्रनेछ। कुल १६ टोली सहभागी यस प्रतियोगितामा नेपाल, न्यूजिल्यान्ड, पाकिस्तान र अफगानिस्तान समूह ‘डी’ मा छन्।
नेपालले समूह चरणको अन्तिम खेल शुक्रबार अफगानिस्तान विरुद्ध खेल्नेछ।
-1732180391.jpg)
-1732099242.jpg)
