यू-१९ विश्वकप : आज नेपाल र न्यूजिल्यान्ड भिड्दै
आईसीसी यू-१९ क्रिकेट विश्वकपमा आज नेपाल र न्यूजिल्यान्डबीच खेल हुँदै छ।
नेपाली समय अनुसार खेल दिउँसो १:४५ बाट शुरू हुनेछ। खेल दक्षिण अफ्रिकाको बफेलो पार्क मैदानमा हुनेछ। नेपाल देव खनालको कप्तानीमा मैदान उत्रनेछ भने न्यूजिल्यान्डको कप्तानी अस्कर ज्याक्सनले गर्नेछन्।
हालसम्म नेपाल र न्यूजिल्यान्डको यू-१९ टोली दुई पटक आमनेसामने भएका छन्। दुवै पटक नेपाल विजयी भएको छ। १८ फेब्रुअरी २००६ मा कोलम्बोमा भएको यू-१९ विश्वकपको प्लेट फाइनल खेलमा नेपालले न्यूजिल्यान्डलाई एक विकेटले हराएको थियो।
यसपछि २८ जनवरी २०१६ मा यू-१९ विश्वकपकै समूह चरणको खेलमा नेपालले न्यूजिल्यान्डलाई ३२ रनले हराएको थियो।
नेपाल र न्यूजिल्यान्ड दुवै यो संस्करणको विश्वकपमा समूह ‘डी’ मा छन्। यो समूहमा अफगानिस्तान र पाकिस्तान पनि छन्। नेपालले दोस्रो खेल माघ १० गते बुधबार पाकिस्तान विरुद्ध खेल्नेछ भने तेस्रो तथा समूह चरणको अन्तिम खेल १२ गते शुक्रबार अफगानिस्तान विरुद्ध खेल्नेछ।
प्रतियोगितामा कुल १६ टोली सहभागी छन्।
-1732180391.jpg)
-1732099242.jpg)
