प्रधानमन्त्री कपमा विनोद भण्डारीको शतक
प्रधानमन्त्री कप पुरुष राष्ट्रिय क्रिकेट प्रतियोगितामा विनोद भण्डारीले शतक प्रहार गरेका छन्।
प्रतियोगिता अन्तर्गत सोमबार मधेश प्रदेश विरुद्धको खेलमा त्रिभुवन आर्मी क्लबका कप्तान भण्डारीले शतक प्रहार गरेका हुन्। उनले ८९ बलमा नौ चौका र चार छक्काको मद्दतले शतक प्रहार गरेका हुन्। उनी ९३ बलमा ११३ रन बनाएर आउट भए।
अहिलेसम्म एकदिवसीय अन्तर्राष्ट्रिय क्रिकेटमा सबैभन्दा उच्च स्कोर ५९ रन थियो। उनले १७ एकदिवसीय खेलमा २७६ रन बनाएका छन्।
त्यस्तै, टी-२० अन्तर्राष्ट्रियमा ५८ रन उच्च स्कोर छ। टी-२० का ३६ खेलमा ३३२ रन बनाएका छन्।
यसैगरी, लिस्ट ‘ए’मा ७३ रन उच्च स्कोर छ। लिस्ट ‘ए’का ४३ खेलमा ७३१ रन बनाएका छन्।
३३ वर्षीय भण्डारीले एकदिवसीय अन्तर्राष्ट्रिय खेलमा २०७५ सालमा र टी-२० अन्तर्राष्ट्रिय क्रिकेटमा २०७० सालमा डेब्यू गरेका थिए। त्यस्तै, लिस्ट ‘ए’मा डेब्यू गरेको पनि १० वर्ष भइसकेको छ।
राष्ट्रिय टोलीमा बाहिर-भित्र भइरहेका भण्डारीले प्रधानमन्त्री कपमा त्रिभुवन आर्मी क्बलको नेतृत्व गरिरहेका छन्।
-1732180391.jpg)
-1732099242.jpg)