काठमाडौंबाट चित्लाङ गइरहेको कार दुर्घटना, चार जनाको मृत्यु
काठमाडौंबाट मकवानपुरको चित्लाङतर्फ गइरहेको कार दुर्घटना हुँदा चार जनाको मृत्यु भएको छ भने दुई जना घाइते भएका छन्।
शनिबार चन्द्रागिरि नगरपालिका-४, पानीघाट नजिक हिमचुली सेतोपहराबाट प्र. ३-०१-२३ च ६९८५ नम्बरको गाडी खसेको प्रहरीले जनाएको छ।
दुर्घटनामा काठमाडौंको मैतीदेवीका ६७ वर्षीय ओमकार निधि तिवारी, ६४ वर्षीया कल्पना तिवारी, काठमाडौंको लाजिम्पाटका डा. महेशकुमार गौतम र ४ वर्षीय प्रियान्स गौतमको मृत्यु भएको काठमाडौं प्रहरी परिसरका प्रहरी उपरीक्षक कुमोध ढुंगेलले बताए।
उनका अनुसार गाडीमा ६ जना सवार थिए। चार जनाको घटनास्थलमै मृत्यु भएको प्रहरीले जनाएको छ।
दुर्घटनामा डा. सृष्टि तिवारी र उनकी छोरी ६ वर्षीया स्मारिका गौतम घाइते भएका छन्। दुवै जनाको बल्खुस्थित वयोधा अस्पतालमा उपचार भइरहेको छ।
-1732261651.jpg)
-1732259528.jpg)