पिकनिक जाँदै गरेको बस दुर्घटना, ३० जना घाइते
दाङको तुलसीपुरमा यात्रुबाहक बस दुर्घटना हुँदा ३० जना घाइते भएका छन्।
बर्दियाको बडैयाताल गाउँपालिका-६ मैनापोखरबाट पिकनिकको लागि दाङ आउँदै गरेको भे १ ख २०४१ नम्बरको बस आज बिहान तुलसीपुर-१३ दमारगाउँ नजिकै दुर्घटना भएको हो।
दुर्घटनामा ३० जना घाइते भएको ट्राफिक प्रहरी कार्यालय तुलसीपुरका प्रमुख इश्वरी देवकोटाले बताए। देवकोटाका अनुसार, घाइतेमध्ये केहीलाई नेपालगञ्ज र केही तुलसीपुर लगिएको छ।
बसको ब्रेक फेल हुँदा दुर्घटना भएको ट्राफिक प्रमुख देवकोटाले बताए।
-1732261651.jpg)
-1732259528.jpg)