घरमै आएको हात्तीको आक्रमणबाट एक युवकको मृत्यु
घर भत्काउन आएको जंगली हात्ती धपाउने क्रममा आक्रमणमा परेर झापाका एक युवकको मृत्यु भएको छ।
जंगली हात्तीको आक्रमणबाट शिवसताक्षी नगरपालिका-११, दुधेका मेघराज राईको मृत्यु भएको हो। घर नजिकै हात्तीको आक्रमणबाट उनको मृत्यु भएको प्रहरीले जनाएको छ।
गएराति हात्तीले राईको घरमा आक्रमण गरेको थियो। आक्रमणबाट घरको टाटी र छानो भत्किएको छ।
घर जोगाउन उनले हात्ती धपाउन खोजेका थिए। करीब ५० मिटर टाढा पुगेपछि हात्तीले आक्रमण गरेको जिल्ला प्रहरी कार्यालयले जनाएको छ। त्यसपछि हात्तीको बथान जंगलतिर पसेको थियो।
उनको शव परीक्षणका लागि दमक अस्पतालमा राखिएको छ।
यसअघि पुस ४ गते मर्निङ वाकमा निस्केका झापाको हल्दीबारी गाउँपालिका-२ का ६० वर्षीय पाठल राजवंशीको मृत्यु भएको हो। घरबाट २०० मिटर पूर्वको चन्द्रगढी हल्दीबारी सडकछेउमा हिंडिरहेका वेला उनलाई हात्तीले आक्रमण गरेको थियो।
-1732180391.jpg)
-1732099242.jpg)