बसले मोटरसाइकललाई ठक्कर दिंदा दुई जनाको मृत्यु
रामेछापको मन्थलीबाट काठमाडौंतर्फ जाँदै गरेको बसले विपरीत दिशाबाट आइरहेको मोटरसाइकललाई ठक्कर दिंदा दुई जनाको मृत्यु भएको छ।
रामेछापको मन्थलीबाट काठमाडौं जाँदै गरेको बागमती प्रदेश ०१-००६ ख ४५९३ नम्बरको बसले काठमाडौंबाट खुर्कोटतर्फ जाँदै गरेको बा ६० प ३५४५ नम्बरको मोटरसाइकललाई आज बिहान सुनकोशी गाउँपालिका, बोहोरेटार-३ मा ठक्कर दिएको थियो।
दुर्घटनामा मोटरसाइकलमा पछाडि बसेकी खोटाङको दिक्तेल नगरपालिका-१०, रुपाकोटकी १८ वर्षीया मुनाकला राईको घटनास्थलमै मृत्यु भएको प्रहरीले जनाएको छ।
खोटाङको तुवाचुङ नपा-२ का मोटरसाइकल चालक सुमन राई घाइते भएका थिए। उपचारका लागि स्थानीय खाल्टे अस्पतालमा लैजाँदै गर्दा बाटोमै उनको मृत्यु भएको सुनकोशी गाउँपालिका-३ का वडाध्यक्ष चन्द्र श्रेष्ठले बताए।
मन्थली नगरपालिका-१३, फुलासीका २४ वर्षीय बसचालक रूपेश अधिकारीलाई प्रहरीले नियन्त्रणमा लिएको छ।
-1732261651.jpg)
-1732259528.jpg)