बाघको आक्रमणबाट पर्सामा एक युवकको मृत्यु
पर्साका एक युवकको बाघको आक्रमणबाट मृत्यु भएको छ।
पटेर्वासुगौली गाउँपालिका-२, थरकटी गाउँका ३० वर्षीय मनोज महतो उराँवको गएराति मृत्यु भएको हो। शौच गर्न घर नजिकैको जंगलछेउतिर निस्केका उनलाई बाघले आक्रमण गरेको थियो।
अबेरसम्म घर नफर्केपछि स्थानीय बासिन्दाले खोजतलास गरेका थिए। गाउँदेखि २०० मिटरको दूरीमा उनको शव भेटिएको प्रहरीले जनाएको छ।
घटनास्थल अवलोकन गर्दा बाघको आक्रमणबाटै उनको मृत्यु भएको जस्तो देखिएको इलाका प्रहरी कार्यालय, पटेर्वासुगौलीका प्रहरी निरीक्षक राजाराम केशरीले बताए।
-1732261651.jpg)
-1732259528.jpg)