धनुषाको हंसपुरमा स्थानीय र प्रहरीबीच झडप, आगजनी र हवाई फायर
धनुषाको हंसपुर नगरपालिकामा प्रहरी र स्थानीयबीच झडप हुँदा अवस्था तनावग्रस्त बनेको छ।
गएराति सुगानिकास गाउँमा दुई पक्षबीच विवाद हुँदा ३५ वर्षीय दीपा मण्डल घाइते भएकी थिइन्। त्यसपछि प्रहरी आई घाइते मण्डललाई पक्राउ गरी कुटपिट गरेको र प्रहरीकै कुटाइबाट उनको मृत्यु भएको स्थानीयको आरोप छ।
इलाका प्रहरी कार्यालय सुगानिकासमा जम्मा भएको भीड
आक्रोशित स्थानीयहरूले आज बिहानै प्रहरी चौकी घेर्दै नाराबाजी गर्न थालेका थिए। यसपछि प्रहरीले स्थिति नियन्त्रणमा लिन केही राउन्ड हवाई फायर र रबरको गोली पनि प्रहार गरेको थियो। प्रहरीको गोली लागेर एक जना घाइते भएको स्थानीयले जनाएका छन्।
आक्रोशित भीडले प्रहरीका तीन वटा मोटरसाइकल पनि जलाएको छ।
जिल्ला प्रहरी कार्यालय, धनुषाका प्रवक्ता रञ्जन अवाले सुगानिकासमा ढुंगामुढा भएको बताउँछन्। उनले जिल्लाबाट थप प्रहरी पठाइएको र घटना सम्बन्धमा बुझ्न आफू पनि घटनास्थलतर्फ गइरहेको जानकारी दिए।
-1732180391.jpg)
-1732099242.jpg)