जंगली हात्तीले भत्कायो घर
मकवानपुरको मनहरीमा जंगली हात्तीले घर भत्काएको छ।
मनहरी गाउँपालिका-८, सिम्पानीस्थित टल्के चेपाङको घर जंगली हात्तीले भत्काएको हो। गएराति हात्तीले चेपाङको ढुंगा र जस्ताले बनेको एकतले घरमा पूर्ण रूपमा क्षति पुर्याएको मकवानपुर प्रहरीले जनाएको छ।
उक्त हात्तीले स्थानीय रामबहादुर तामाङको गोठमा समेत आंशिक क्षति पुर्याएको प्रहरीले जानकारी दिएको छ।
प्रहरी र पर्सा राष्ट्रिय निकुञ्जको नेपाली सेनाको टोलीले स्थानीय समेतको सहयोगमा हात्तीलाई जंगलतर्फ पठाएको छ। प्रहरीका अनुसार घटनामा मानवीय क्षति भने भएन।
-1732353496.jpg)
