झुलाघाटबाट चिवाभन्ज्याङको यात्रामा निस्किंदै एमाले
मध्यपहाडी राजमार्ग केन्द्रित अभियानका लागि नेकपा (एमाले)को ‘झुलाघाटदेखि चिवाभन्ज्याङसम्म समृद्धिका लागि संकल्प यात्रा’ आज शुरू हुँदै छ।
पश्चिमी सीमानाका बैतडीको झुलाघाटमा एमाले अध्यक्ष केपी शर्मा ओलीले यात्राको उद्घाटन गर्दै छन्। त्यसका लागि अध्यक्ष झुलाघाट पुगेका छन्। झुलाघाटबाट चिवाभन्ज्याङसम्म एमाले नेता तथा कार्यकर्ताले करीब दुई हजार किलोमिटर यात्रा गर्नेछन्।
मध्यपहाडी क्षेत्रमा जनाधार विस्तारका लागि एमालेले यात्रा गर्न लागेको हो। यसले मध्यपहाडी क्षेत्रका नागरिकसँग सम्बन्ध विस्तार हुने एमालेको अपेक्षा छ।
यस अभियानका क्रममा विभिन्न ठाउँमा जनसभा गरिने भएको छ। त्यस्तै, नागरिकसँग अन्तर्क्रिया गरिने भएको छ।
यस क्षेत्रका उद्योगी, व्यवसायी तथा उद्यमीसँग स्थानीय समस्या तथा आर्थिक गतिविधिका विषयमा छलफल हुने एमालेले जनाएको छ।
-1732261651.jpg)
-1732259528.jpg)