बर्दियामा आगलागी हुँदा बालबालिका सहित चार जनाको मृत्यु
बर्दियाको गुलरिया नगरपालिका-४, तुलापुरको एक घरमा गएराति आगलागी हुँदा चार जनाको मृत्यु भएको छ भने एक जना घाइते भएका छन्।
जिल्ला प्रहरी कार्यालय, बर्दियाका अनुसार आगलागीमा परेर १८ महीनाका कार्तिक चन्द, सात वर्षका कृष चन्द, १० वर्षका मानसिं बुढा र ३२ वर्षकी राधा बुढाको मृत्यु भएको छ। आगोले पोलेर घाइते भएकी २८ वर्षकी करिश्मा चन्दको स्थानीय अस्पतालमा उपचार भइरहेको छ।
गएराति ११ बजेतिर स्थानीय भरत चन्दको घरमा आगलागी भएको हो। आगलागीमा एक कोठा जेलर नष्ट भएको छ।
आगलागीको कारण खुलेको छैन। स्थानीय बासिन्दा र सुरक्षाकर्मीले आगो निभाएका थिए। आगलागीबारे विस्तृत विवरण आउन बाँकी छ।
-1732261651.jpg)
-1732259528.jpg)