आपसमा मोटरसाइकल ठोक्किंदा तीन जनाको मृत्यु
सिरहाको सिरहा नगरपालिका-१९, सन्हैठास्थित हुलाकी राजमार्गमा बुधबार दुई मोटरसाइकल आपसमा ठोक्किएर दुर्घटना हुँदा तीन युवकको मृत्यु भएको छ।
दुर्घटनामा परी एक जना गम्भीर घाइते छन्। घाइते १५ वर्षीय युवराजकुमार यादवलाई उपचारका लागि गएराति नै विराटनगर लगिएको छ।
जिल्ला प्रहरी कार्यालयका प्रवक्ता प्रहरी नायब उपरीक्षक रवीन्द्रराज पाण्डेका अनुसार पूर्वबाट पश्चिमतर्फ आउँदै गरेको स२प ४५३१ नम्बरको मोटरसाइकल र विपरीत दिशातर्फ जाँदै गरेको प्रदेश२-०१-००१प १८५० नम्बरको मोटरसाइकल आपसमा ठोक्किएर दुर्घटना भएको हो। दुवै मोटरसाइकलका चालकले हेलमेट लगाएका थिएनन्।
प्रवक्ता पाण्डेका अनुसार दुर्घटनामा परी मृत्यु हुनेमा सिरहाको अर्नामा गाउँपालिका-५ का २७ वर्षीय दिनेशकुमार यादव, ३२ वर्षीय रामवृक्ष यादव र १९ वर्षीय मुकेशकुमार सिंह छन्।
-1732535850.jpg)
