विद्यार्थी सवार बस दुर्घटना, एकको मृत्यु, ३६ घाइते
शैक्षिक भ्रमणका लागि इलाम पुगेर फर्किरहेका विद्यार्थी बोकेको बस दुर्घटना भएको छ।
इलामको कन्यामबाट फर्किरहेको ना ६ ख ८४२४ नम्बरको बस आइतबार साँझ रोङ गाउँपालिका-३, कोलबुङस्थित मेची राजमार्गमा दुर्घटना भएको जिल्ला प्रहरी कार्यालय, इलामले जनाएको छ। दुर्घटनामा एक जनाको मृत्यु भएको छ भने ३६ जना घाइते छन्।
घाइतेमध्ये १० जनाको अवस्था गम्भीर रहेको प्रहरीले जनाएको छ। इलामका प्रहरी नायब उपरीक्षक प्रकाश जबेगूका अनुसार बसमा ३७ जना सवार थिए।
ओरालोमा बस अनियन्त्रित भई तल खसेको प्रहरीले जनाएको छ। उनीहरू शैक्षिक भ्रमणका लागि जनकपुरबाट इलाम पुगेका थिए।
घाइतेलाई उद्धार गरी उपचारका लागि झापातर्फ पठाइएको सशस्त्र प्रहरी उपरीक्षक द्रोण विष्टले जानकारी दिए।
-1732180391.jpg)
-1732099242.jpg)
